Gesjiedenis

Oeleskepel Tegels Blood

Opgerich op 11 mei 2001 en gesjtart met 11 leeje die toën allemaol vraemde van mekaar ware. Op 8 oktoéber 2006 vierde de kepel eur iërste 5½ jaörig lustrum;  de hellef van ellef.  In 2012, op 11 mei, waar 't dus twie-je kiér de hellef van ellef en in 2017 sjteit 't derde lustrum (dreej kiër de hellef van ellef) vur de deur. Ôngertösse is de kèpel oëtgegreüjd toét 19 muziëkmakers die ‘nne hechte bangk met mekaar vorme. TB 2003

Dees kepel is nauw verbônge aan de  moodervereiniging, Vastelaovesgezelsjap d’n Oeles. Det wilt neet zegke det de kepel  beej alle optraejes van VG D’n Oeles aanwezig is (of zoël môtte ziën). In good  euverlegk met mekaar wuërd jaorliks ’t programma vasgesjteld. De samewerking,  die VG d’n Oeles met angere Tegelse Joekskepelle haet, sjtaon weej neet in de waeg. ’t Sjteit de kepel vreej eige optraejes te regele die zich aevel neet môtte  biëte met ’t programma van ôs moodervereiniging.

Door  ’t jaor haer wuërd d’r op dônderdigsaovend   gerepeteerd in Café de Aaj Mert van half nege toët half elf,  ônger leiding van Stan Siebgens. Aansjloëtend  sjteit ’t idderein vreej nag ein glaeske te dringke. Daor naevenbeej wuërd d’r vanoët de kèpel zelf van alles geregeld en/of  georganiseerd um d’n ôngerlinge bangk te versjterke. Zôngermiër meug ’t jaorlikse bezeuk aan de wiënfiëste in Saarburg en de Körsmert te Köln ’n hoëgtepunt genump waere. Det wilt neet zegke det de optraejes tössendoor zoë wie serenaadjes, Berdenlaop, Venlaop en angere, minder gezellig zién; verre van det.

Kepel 2008 Vanaaf d’n elfde van d’n elfde brik d’r ’n drökke periode aan. Beej 't sjloëte van de vastelaovend is minnig-ein blie-j de "traöt" vur inkele waeke aan d'n kapsjtok te kenne hange.  Nao die korte rösperiode begint 't circus wir van vur aaf aan..... 

 

 

 


"Tegels Blood...
Det is pas good!"

Tegels Blood is verbônge aan:

Kalender

ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31