Weihnachtsmärkte in Köln 2018

Wie van aads waar ouch dit jaor 't welkom in Bierhaus "En d'r Salzgasse" hertelik. Op toëne van "eur  eige Trömmelschen" sjting de boët in no time op de kop. Veug daobeej 'n fris "Kölsch" en den zitse in 'n geweldige ambiance. Netuurlik waar ôs fanklöp ouch wir van de partie. Vur eur waar 't 'n verrassing det weej 'n eige CD haaje oëtgebrach. Die vônge den ouch gretig aaftrek en neet allein beej eur...  Zellefs meuste die CD's ouch nag ens door alle kepelleeje gesigneerd waere: 't môt neet gekker waere. Sjpesjaal bliëf toch 't mement det de typische Kölsche nummers wie "Unser Stammbaum" en "Du bist die Stad" gebrach waere. Den pas belaefse wie gruëts de Köllenaere op eur sjtad ziën. En terech. Want wiese 't ouch bekiéks, in deze tiéd van Weihnachten zuët de stad d'r op zien bes oét. Zellefs asse rôngk hallef dreej sjnachs, met 'n voldaan geveul, richting autobös löps. Vur ôs as Oeleskèpel Tegels Blood waar dit, eimaol veilig trük in ôs eige Tegele, den ouch 'n sjoën mement um 2018 muzikaal aaf te sjloëte.


"Tegels Blood...
Det is pas good!"

Tegels Blood is verbônge aan:

Kalender

ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31