Cecilia 2016

Cecilia Oeleskepel Tegels Blood 2016.

 

 

Zaoterdig 29 oktoeber waar 't wir zoë wiëd, d'n jaörlikse Cecilia sjting op 't programma. Al vruëg aantraeje geblaoze; 10.45 oor in ôs home beej "Café de Aaj Mert".

Wat d'r daen daag op 't programma sjteit bliëf altiéd 'n good bewaard geheim. Zoë ouch vandaag.

Naodet de letse gearriveerd ware (wie det gebroekelik is) vertrok 't gezelsjap al sjpeulend door 't centrum naor.....de gashoëssjtraot en idder recht geaarde Tegelenaer wet den desse beej de sjigaremaekerie van Coen Haoves (Hovens in ABN) oëtkumps. 'N ziér lierzame excursie woë mettersant ouch nag 'n sjtökse Tegelse gesjiedenis woort opgedaon. Aansjloetend woor 't tiëd vur de iërste versjnapering en d'n inwendige mens meus verzörg waere.

Um de teamgeis te verbaetere haaj de organisatie zich 'n spel bedôch in 't "Ovaal van Tegele" det verrasenderwies sjnel opgelos woort.

Ens Prins altiéd Prins môt Paul gedôch höbbe en hae met get companen lete de gelaegenheid neet vurbeej gaon um ôs, ônger 't gesjravel op 'n zeil, van 'n pilke te vurzeen. Det sjmakde naor miér en dus woorte d'r nag diverse localiteite in Tegele aangedaon. Taegen 18.00 oor sjting d'r aete op 't programma. As den emes 5 in plaats van 2 kilo riës sjteit te kaoke met 'n beperk aantal kaetelkes, zult geej begriepe det det iets oétleep.

Per saldo deej det niks aaf aan wat d'r vervolges "geserveerd" woord. En passant woort d'r 'n niej commité vur 2017 benump.

Daomei zoot de taak van 't comité van 2016 d'r op. Zeej woorte op eur beurt nag ens bedangk vur d’n sjoëne daag. En zoë kwaam d’r langzaamaan ’n eind aan deze gesjlaagde Cecilia.


"Tegels Blood...
Det is pas good!"

Tegels Blood is verbônge aan:

Kalender

ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31